📚 ગામની લાઇબ્રેરી માટે ઉમદા સહયોગ – જ્ઞાનપ્રેમી પહેલ 📚
ગામના ગૌરવ સમાન શ્રી કિરણભાઈ સુનિલભાઈ પાડવી (PI), હાલ પોલીસ ઇન્સ્પેક્ટર તરીકે દ્વારકા જિલ્લો ખાતે ફરજ બજાવી રહ્યા છે અને તેમની પોસ્ટિંગ જામ ખંભાળિયામાં છે. તેમનું મૂળ વતન વાંસદા છે.
શ્રી કિરણભાઈ પાડવી દ્વારા પોતાના ગામ નાનીભમતીની લાઇબ્રેરી માટે રૂ. 20,000/- ની કિંમતના કુલ 62 પુસ્તકો ભેટ સ્વરૂપે અર્પણ કરવામાં આવ્યા છે. આ પુસ્તકો ગામના વિદ્યાર્થીઓ અને યુવાનોમાં વાંચન સંસ્કૃતિ વિકસાવવામાં મહત્વપૂર્ણ સાબિત થશે.
આ ઉમદા અને પ્રેરણાદાયી સહયોગ બદલ સરપંચશ્રી તથા સમગ્ર ગામજનો દ્વારા તેમની પ્રત્યે દિલથી આભાર વ્યક્ત કરવામાં આવ્યો છે. તેમનો આ પ્રયાસ ગામમાં જ્ઞાનનો પ્રકાશ ફેલાવશે અને નવી પેઢીને પ્રેરણા આપશે.
ઈશ્વર તેમને વધુ પ્રગતિ, સફળતા અને સેવા કાર્ય માટે શક્તિ આપે તેવી હાર્દિક શુભેચ્છાઓ વ્યક્ત કરવામાં આવે છે.
