KHERGAM DAINIK NEWS | ખેરગામ દૈનિક ન્યૂઝ

   વાડ મુખ્ય પ્રાથમિક શાળામાં ‘રમતોત્સવ-૨૦૨૬’ની શાનદાર ઉજવણી. તારીખ: ૩૦-૦૧-૨૦૨૬, શુક્રવાર સ્થળ: વાડ મુખ્ય પ્રાથમિક શાળા પીએમ શ્રી - ગુજરાત તા. ખેરગામ, જિ. નવસારી  શિક્ષણની સાથે બાળકના શારીરિક અને માનસિક વિકાસમાં રમતગમતનું અનેરું મહત્વ છે. આ જ હેતુને ચરિતાર્થ કરવા માટે નવસારી જિલ્લાના ખેરગામ તાલુકામાં આવેલી વાડ મુખ્ય પ્રાથમિક શાળામાં તારીખ ૩૦મી જાન્યુઆરી ૨૦૨૬, શુક્રવારના રોજ ભવ્ય ‘રમતોત્સવ-૨૦૨૬’નું આયોજન કરવામાં આવ્યું હતું. શિયાળાની ગુલાબી ઠંડી અને વિદ્યાર્થીઓના અદમ્ય ઉત્સાહ વચ્ચે યોજાયેલા આ રમતોત્સવમાં બાલવાટિકાથી લઈને ધોરણ ૮ સુધીના તમામ વિદ્યાર્થીઓએ હોંશેહોંશે ભાગ લીધો હતો. ક્રિકેટ ગ્રાઉન્ડ પર ખેલાયેલો રોમાંચ: આ રમતોત્સવને બે મુખ્ય ભાગમાં વહેંચવામાં આવ્યો હતો. ધોરણ ૬ થી ૮ ના મોટા વિદ્યાર્થીઓ માટે વાડ ગામના વિશાળ ક્રિકેટ ગ્રાઉન્ડ પર વિશેષ સ્પર્ધાઓનું આયોજન કરવામાં આવ્યું હતું. અહીં કન્યા અને કુમાર બંને વર્ગો માટે અલગ-અલગ સ્પર્ધાઓ યોજાઈ હતી. જેમાં સૌની પ્રિય એવી ક્રિકેટ મેચમાં વિદ્યાર્થીઓએ શાનદાર પ્રદર્શન કર્યું હતું. આ ઉપરાંત શારીરિક કૌશલ્ય અને તાકાતની કસોટી કરતી રમતો જે...

  આછવણીની બંધાડ ફળિયા પ્રાથમિક શાળામાં બેગલેસ ડેની અનોખી ઉજવણી કરવામાં આવી. આછવણી ગામની બંધાડ ફળિયા પ્રાથમિક શાળામાં બેગલેસ ડે અંતર્ગત એક અનોખો અને માર્ગદર્શક કાર્યક્રમ યોજાયો. કાર્યક્રમ અંતર્ગત સખી મંડળની બહેનોને શાળામાં આમંત્રિત કરી વિદ્યાર્થીઓને નાણાકીય જાગૃતિ તથા વ્યવસાયિક સમજ અંગે માહિતી આપવામાં આવી. સખી મંડળની બહેનો દ્વારા બાળકોને પૈસાની બચત કેવી રીતે કરવી, જરૂર મુજબ વ્યાજે પૈસા કેવી રીતે લેવા, સ્વસહાય જૂથોની કાર્યપદ્ધતિ અને સ્વરોજગારના અવસરો અંગે સરળ અને રસપ્રદ રીતે સમજાવવામાં આવ્યું. આ પ્રવૃત્તિથી વિદ્યાર્થીઓને પાઠ્યપુસ્તકના જ્ઞાન સાથે જીવનમાં ઉપયોગી બનતું વ્યવહારુ શિક્ષણ પ્રાપ્ત થયું. બાળકોમાં નાની વયથી જ નાણાકીય શિસ્ત, આત્મનિર્ભરતા અને બચતની ભાવના વિકસે તે હેતુથી આ કાર્યક્રમ આયોજન કરવામાં આવ્યો હતો. શાળાની આ પહેલ શિક્ષણને રોજિંદા જીવન સાથે જોડવાની દિશામાં પ્રશંસનીય અને પ્રેરણાદાયી સાબિત થઈ.

  ગણદેવી તાલુકાની છાપર પ્રા. શાળામાં 77 માં ગણતત્ર દિવસ નિમિત્તે વાર્ષિકોત્સવ અને વય વંદના કાર્યક્રમ યોજાયો. બીલીમોરા કાંઠા વિભાગની છાપર પ્રા શાળામાં 77 માં ગણતત્ર દિવસની ઉજવણી કરવામાં આવી હતી જેમાં વાર્ષિકોત્સવ 2026 નુ આયોજન કરવામાં આવ્યું હતું. બાળકો દ્વારા જુદી જુદી કુલ 23 જેટલી કૃતિઓ રજુ કરી ગામલોકોનાં મન મોહી લીધા હતી કૃતિઓ જોઈ લોકોએ શિક્ષકો અને બાળકોની મહેનતને અભિનંદન પાઠવ્યા હતા.  આ સાથે વય વંદનાનાં અભિગમ સાથે ગામના 80 વર્ષથી વધુ ઉંમરનાં વડીલોનુ સન્માન કરવામાં આવ્યું હતું જીવન તડકા છાયા ઉતાર ચઢાવ જેમણે જોયા છે એવા 35 જેટલાં વડીલોનુ સાલ મોમેન્ટો અને પુષ્પગુચ્છ આપી સન્માન કરવામાં આવ્યું હતું. આ અનોખા કાર્યક્રમનુ આયોજન કરવા બદલ ગામના સરપંચ શ્રી રવીન્દ્રભાઈ પટેલ, જિલ્લા પંચાયત નવસારીના સદસ્ય મહેશભાઈ, સ્થાનિક એસએમસી ગામનાં અગ્રણીઓએ ખૂબ અભિનંદન આપ્યા હતા શાળાનાં આચાર્ય શ્રી અને તાલુકા સંઘનાં પ્રમુખ કલ્પેશભાઈએ સહયોગ કરનાર સૌને અભિનંદન આપ્યા હતા સમગ્ર કાર્યક્રમનુ સંચાલન ભૂપેનભાઈ, મેહુલભાઈ અને ભાવેશભાઈએ કર્યું હતું આભારવિધિ શાળાના ઉપ શિક્ષક સંદીપભાઈએ કરી હતી

  ખેરગામ જામનપાડા શાળાની રૂહી પટેલે દક્ષિણ ઝોન વાર્તાકથન સ્પર્ધામાં પ્રથમ સ્થાન મેળવી તાલુકાનું નામ ઉજાગર કર્યું. શિક્ષણ વિભાગ તથા જી.સી.ઈ.આર.ટી., ગાંધીનગર દ્વારા પ્રેરિત અને જિલ્લા શિક્ષણ તથા તાલીમ ભવન, સુરત દ્વારા આયોજિત વાર્તા સ્પર્ધા ૨૦૨૫–૨૬ અંતર્ગત વિભાગ-૨ પ્રિપેરેટરી સ્ટેજ (ધોરણ ૩ થી ૫) ની વાર્તાકથન સ્પર્ધા તા. ૩૦ જાન્યુઆરી ૨૦૨૬ ના રોજ જિલ્લા શિક્ષણ અને તાલીમ ભવન, સુરત ખાતે યોજાઈ હતી. આ સ્પર્ધામાં ખેરગામ તાલુકાની જામનપાડા પ્રાથમિક શાળાની વિદ્યાર્થીની રૂહી અરુણભાઈ પટેલે દક્ષિણ ઝોન કક્ષાની વાર્તાકથન સ્પર્ધામાં (ધો. ૩ થી ૫) પ્રથમ સ્થાન પ્રાપ્ત કરી શાળા તથા તાલુકાનું ગૌરવ વધાર્યું છે. આ સિદ્ધિ બદલ વિદ્યાર્થી રૂહી પટેલ, તેમના માર્ગદર્શક શિક્ષિકા નીતાબેન પટેલ, શાળા પરીવાર તથા વાલીશ્રીને ખેરગામ તાલુકા પ્રાથમિક શિક્ષણાધિકારી શ્રી મનીષભાઈ પરમાર, કેળવણી નિરીક્ષક શ્રી પ્રશાંતભાઈ પટેલ, ખેરગામ બી આર સી શ્રી વિજયભાઈ પટેલ, તાલુકા પ્રાથમિક શિક્ષક સંઘના પ્રમુખ શ્રી દિવ્યેશકુમાર ચૌહાણ, મહામંત્રી શ્રી કિરીટભાઈ પટેલ સહિત હોદ્દેદારો તથા નવસારી જિલ્લા પ્રાથમિક શિક્ષક સંઘના સહમંત્રી શ્રી ધર્મેશકુમા...

  નવસારી ખાતે યોજાયેલ એજ્યુકેશનલ ઇનોવેશન ફેસ્ટિવલમાં ઉંચાબેડા શાળાનાં શિક્ષિકા હેમલતાબહેન પટેલની નોંધપાત્ર સિદ્ધિ નવસારી : ગુજરાત શૈક્ષણિક સંશોધન અને તાલીમ પરિષદ (GCERT), ગાંધીનગરની પ્રેરણાથી જિલ્લા શિક્ષણ અને તાલીમ ભવન, નવસારી દ્વારા આયોજિત જિલ્લા કક્ષાના એજ્યુકેશનલ ઇનોવેશન ફેસ્ટિવલ 2025–26 અંતર્ગત ઉંચાબેડા–વાડ પ્રાથમિક શાળાના શિક્ષિકા શ્રીમતી હેમલતાબહેન ફકીરભાઈ પટેલ દ્વારા “શૈક્ષણિક રમકડાં” વિષય પર નવતર એજ્યુકેશનલ ઇનોવેશન રજૂ કરવામાં આવ્યું હતું. જિલ્લા શિક્ષણ અને તાલીમ ભવન, જિલ્લા શિક્ષણાધિકારીશ્રીની કચેરી, જિલ્લા પ્રાથમિક શિક્ષણાધિકારીશ્રીની કચેરી તથા શાસનાધિકારીશ્રીની કચેરી, નવસારી દ્વારા સંયુક્ત રીતે આયોજિત આ ફેસ્ટિવલમાં તેમના આ નવતર પ્રયાસને વિશેષ પ્રશંસા મળી હતી. બાળકોના સર્વાંગી વિકાસને ધ્યાને રાખી NEP–2020 આધારિત આ ઇનોવેશન બદલ શિક્ષિકાને ડાયટના પ્રાચાર્યશ્રી ડૉ. યોગેશભાઈ પટેલ સાહેબના હસ્તે શિલ્ડ અને પ્રમાણપત્ર આપી સન્માન કરવામાં આવ્યું. ખેરગામ તાલુકા પ્રાથમિક શિક્ષણાધિકારીશ્રી મનીષભાઈ પરમાર સાહેબ, કેળવણી નિરીક્ષકશ્રી પ્રશાંતભાઈ પટેલ, ખેરગામ બી.આર.સી. વિજયભાઈ પટેલ, ખેરગામ ...

  ચોકથી ટ્રેક સુધી: ખેરગામના શિક્ષકની દોડમાં મોટી સિદ્ધિ શિક્ષણ સાથે ખેલકૂદમાં પણ ખેરગામનો શિક્ષક અગ્રેસર તા. 28 જાન્યુઆરી 2026ના રોજ નાસિક વિભાગીય રમતગમત સંકુલ (મીનાતાઈ સ્પોર્ટ્સ ગ્રાઉન્ડ) ખાતે યોજાયેલ નેશનલ માસ્ટર એથ્લેટિક્સ ગેમ્સમાં ખેરગામ તાલુકાએ ગૌરવપૂર્ણ હાજરી નોંધાવી છે. ખેરગામ તાલુકાના પોમાપાળ ફળિયાના વતની તથા બહેજ પ્રાથમિક શાળાના ઉપશિક્ષક શ્રી પ્રવિણભાઈ ગુલાબભાઈ પટેલે સ્પર્ધામાં ઉમદા પ્રદર્શન કરીને બે મેડલ પોતાના નામે કર્યા. તેમણે 10,000 મીટર દોડમાં પ્રથમ સ્થાન મેળવી ગોલ્ડ મેડલ તથા 400 મીટર દોડમાં દ્વિતીય સ્થાન મેળવી સિલ્વર મેડલ પ્રાપ્ત કર્યો. જયારે તારીખ 29 મી જાન્યુઆરીએ યોજાયેલ 800 મીટર દોડમાં ત્રીજું સ્થાન મેળવ્યું હતું. શિક્ષક હોવા સાથે ખેલકૂદમાં પણ ઉત્તમ પ્રતિભા ધરાવતા શ્રી પટેલની આ સફળતાએ ખેરગામ તાલુકા, બહેજ પ્રાથમિક શાળા અને પોમાપાળ ફળિયાને ગૌરવ અપાવ્યું છે. તેમની સિદ્ધિ અન્ય શિક્ષકો અને યુવાનો માટે પ્રેરણારૂપ બની છે.

       નવતર ઈકો–પર્યાવરણ શાળા પ્રોજેક્ટમાં ખેરગામ તાલુકાની શાળાઓની તાલુકા કક્ષાએ નોંધપાત્ર સિદ્ધિ ગુજરાત શૈક્ષણિક સંશોધન અને તાલીમ પરિષદ (જી.સી.ઈ.આર.ટી.), ગાંધીનગરની પ્રેરણાથી તથા જિલ્લા શિક્ષણ અને તાલીમ ભવન, નવસારી દ્વારા આયોજિત  નવતર ઈકો–પર્યાવરણ શાળા પ્રોજેક્ટ (વર્ષ 2024–25)  અંતર્ગત ખેરગામ તાલુકાની શાળાઓએ તાલુકા કક્ષાએ ગૌરવસભર સિદ્ધિ મેળવી છે. આ પ્રોજેક્ટ હેઠળ  ખાખરી ફળિયા પ્રાથમિક શાળા, ખેરગામ તાલુકા  તાલુકા કક્ષાએ  પ્રથમ ક્રમાંક  પ્રાપ્ત કર્યો છે, જ્યારે  વાવ પ્રાથમિક શાળા  એ  દ્વિતીય ક્રમાંક  મેળવી તાલુકાનું નામ ઉજાગર કર્યું છે. બંને શાળાના શિક્ષકમિત્રોને માનનીય  નવસારી જિલ્લા કલેક્ટરશ્રી ક્ષિપ્રા આગ્રે મેડમ ના હસ્તે પ્રમાણપત્ર તથા શિલ્ડ અર્પણ કરવામાં આવ્યા હતા. શાળાઓ દ્વારા પર્યાવરણ સંરક્ષણ પ્રત્યે દાખવેલી જાગૃતિ, વિદ્યાર્થીઓમાં હરિત ચેતનાનું સંવર્ધન કરવા માટે અપનાવાયેલા નવીન અભિગમ અને સતત પ્રશંસનીય કામગીરી બદલ, જી.સી.ઈ.આર.ટી., ગાંધીનગરના માર્ગદર્શન હેઠળ જિલ્લા શિક્ષણ અને તાલીમ ભવન, નવસારી દ્વારા શાળાઓને ...

   શિક્ષણ સાથે સંસ્કાર: 126 વિદ્યાર્થીઓને સ્ટીલ ડીશ આપીને સ્વ. કોકિલાબેનને શ્રદ્ધાંજલિ આછવણી ગામની બંધાડ ફળિયા પ્રાથમિક શાળામાં સ્વ. કોકિલાબેન મોહનભાઈ પટેલના સ્મરણાર્થે તેમના પરિવારજનોએ એક પ્રસંશનીય અને સેવાભાવી કાર્ય કર્યું છે. સ્વ. કોકિલાબેનના પુણ્યસ્મરણ રૂપે પરિવાર તરફથી શાળામાં અભ્યાસ કરતા કુલ 126 બાળકોને પ્રત્યેકને એક-એક સ્ટીલની ડીશ ભેટરૂપે આપવામાં આવી હતી. આ સેવા કાર્ય દ્વારા બાળકોમાં સ્વચ્છતા, શિસ્ત અને સમાનતાનો સંદેશ આપવામાં આવ્યો છે. કાર્યક્રમ દરમિયાન શાળાના આચાર્યશ્રી, શિક્ષકો તથા ગ્રામજનોએ પરિવારના આ ઉત્તમ કાર્યની પ્રસંસા કરી હતી અને સ્વ. કોકિલાબેનને ભાવભરી શ્રદ્ધાંજલિ અર્પણ કરી હતી. આ પ્રસંગે પરિવારજનોએ જણાવ્યું હતું કે શિક્ષણ અને બાળકોના સર્વાંગી વિકાસ માટે આવી સેવાઓ સતત આગળ વધારવાનો તેમનો સંકલ્પ છે.

 ખેરગામ કુમાર શાળામાં પ્રજાસત્તાક દિન નિમિત્તે રંગોત્સવની ભવ્ય ઉજવણી. ખેરગામ, તા. 26 જાન્યુઆરી 2026 ખેરગામ કુમાર શાળામાં 77મા પ્રજાસત્તાક દિન નિમિત્તે રંગોત્સવની ઉજવણી ઉત્સાહ અને દેશભક્તિપૂર્ણ માહોલમાં ધામધૂમથી કરવામાં આવી. કાર્યક્રમની શરૂઆત પ્રભાત ફેરીથી કરવામાં આવી હતી. આ પ્રસંગે ગામની દીકરી જીયા સંદીપકુમાર પટેલ (બંધાડ ફળિયા)ના હસ્તે ધ્વજવંદન કરવામાં આવ્યું. કાર્યક્રમ દરમિયાન કલામહાકુંભમાં સિદ્ધિ મેળવનાર બાળકો, પ્રથમ ક્રમ પ્રાપ્ત કરનાર વિદ્યાર્થીઓ અને  શાળામાં નિયમિતતા બદલ દિવ્યાંગ બાળકનું શાળાના આચાર્યશ્રી પ્રશાંતભાઈ પટેલના હસ્તે સન્માન કરવામાં આવ્યું. ગામની દીકરી જીયાનું  અને દાતાશ્રીનું સન્માન ગામના સરપંચ શ્રી ઝરણાબેન પટેલના હસ્તે કરવામાં આવ્યું. રંગોત્સવ અંતર્ગત વિદ્યાર્થીઓ દ્વારા દેશભક્તિ ગીત, ‘દ્વારકાની નાથ’, ‘ગાડી આવી ગાડી આવી’ (બાળગીત), ‘ચંદાને પૂછા તારો સે’, ડબલ્સ દાવ, ‘હસતા રમતાં’ (બાળગીત), ‘કેસરી કે લાલ’ (નૃત્ય), ‘કંધે સે કંધે મિલતે હૈ’ (નૃત્ય), ‘તિરંગા ગીત’ (નૃત્ય) અને ‘સલામ ઈન્ડિયા’ જેવી વિવિધ કૃતિઓ રજૂ કરવામાં આવી. કૃતિઓએ ઉપસ્થિત દર્શકોને મંત્રમુગ્ધ કર્યા ...

    નવસારી જુનિયર હોકી ટીમ રાજ્ય ચેમ્પિયન 🏑 હોકી ગુજરાતના નેજા હેઠળ તથા હોકી રાજકોટ દ્વારા મેજર ધ્યાનચંદ હોકી સ્ટેડિયમ, રાજકોટ ખાતે આયોજિત ગુજરાત સ્ટેટ જુનિયર ભાઈઓ હોકી ચેમ્પિયનશીપ 2025-26માં નવસારી જિલ્લાની જુનિયર હોકી ટીમે શાનદાર પ્રદર્શન સાથે ચેમ્પિયનશીપનો ખિતાબ જીત્યો છે. સ્પર્ધા દરમિયાન નવસારી ટીમે દરેક મેચમાં દમદાર રમત રજૂ કરી. પ્રથમ મેચમાં યજમાન રાજકોટને 7-0થી પરાજિત કર્યા, સેમિફાઇનલમાં અમરેલી સામે 6-1થી ભવ્ય જીત નોંધાવી અને ફાઇનલ મુકાબલામાં દાહોદને 3-2થી હરાવી ચેમ્પિયન બનવાનો ગૌરવ પ્રાપ્ત કર્યો. આ ઐતિહાસિક સિદ્ધિ બદલ તમામ વિજેતા ખેલાડીઓ તથા ટીમને ઉત્તમ માર્ગદર્શન આપનાર કોચ શ્રી શિરીષભાઈ પટેલને હાર્દિક અભિનંદન પાઠવવામાં આવ્યા છે. નવસારી જિલ્લાની આ સફળતાએ સમગ્ર જિલ્લામાં ગૌરવની લાગણી જગાવી છે અને યુવા ખેલાડીઓ માટે પ્રેરણારૂપ બની છે. 🏑 #NavsariHockey #GujaratStateJuniorHockey #StateChampions #JuniorHockeyChampionship #HockeyGujarat #NavsariPride #ChampionsOfGujarat #HockeyIndia #YoungAthletes #SportsExcellence #khergamnews #sbkhergam #khergamblogger 

   પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર.  જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સંઘ અને નવસા...

 પોમાપાળ પ્રાથમિક શાળામાં ગૌરવ અને દેશપ્રેમ સાથે પ્રજાસત્તાક દિવસની ઉજવણી. પોમાપાળ પ્રાથમિક શાળામાં ૭૭મા પ્રજાસત્તાક દિવસની ઉજવણી ઉત્સાહભર્યા અને ગૌરવપૂર્ણ વાતાવરણમાં કરવામાં આવી. આ પ્રસંગે શાળાની દીકરી તન્વીબેન સુરેશભાઈ પટેલના કરકમળે ધ્વજવંદન કરવામાં આવ્યું. પ્રજાસત્તાક પર્વના અવસરે ગામની લક્ષ્મીરૂપ દીકરીઓ જેન્સી રિતેશભાઈ પટેલ અને હેસ્વી પ્રતીકભાઈ પટેલને વિશેષ સન્માન આપી દીકરી ગૌરવને પ્રોત્સાહન આપવામાં આવ્યું. કાર્યક્રમ દરમિયાન વિદ્યાર્થીઓ દ્વારા સ્વાગત ગીતની સુંદર રજૂઆત કરવામાં આવી. બંધારણ દિવસ અંતર્ગત કાવ્યપઠન, સ્વદેશી ચીજવસ્તુઓના ઉપયોગ માટેની પ્રતિજ્ઞા તેમજ દેશભક્તિ ગીતોની મનોહર પ્રસ્તુતિઓએ ઉપસ્થિત સૌને ભાવવિભોર કર્યા. વિદ્યાર્થીઓએ “ઓ દેશ મેરે” અને “દેશ રંગીલા” જેવા લોકપ્રિય દેશભક્તિ ગીતો રજૂ કર્યા. ઉપરાંત બાળ નાટકમાં તોફાની વિદ્યાર્થી અને ભૂલકણી જેવા હાસ્યસભર પાત્રોની રજૂઆતથી સમગ્ર વાતાવરણ આનંદમય બની ગયું. બાળકો દ્વારા વક્તવ્ય અને બાળવાર્તાની રજૂઆત પણ કરવામાં આવી, જેના થકી તેમની મૌખિક અભિવ્યક્તિ ક્ષમતાનો સમાજ સમક્ષ પરિચય મળ્યો. દેશભક્તિ ગીતોની પ્રસ્તુતિએ સૌને મંત્રમુગ્ધ કર્યા....

 શામળા ફળિયા પ્રાથમિક શાળામાં ૭૭મા પ્રજાસત્તાક દિવસની ભવ્ય ઉજવણી. શામળા ફળિયા પ્રાથમિક શાળામાં ૭૭મા પ્રજાસત્તાક દિવસની ઉજવણી ઉત્સાહ અને ગૌરવ સાથે કરવામાં આવી. આ પ્રસંગે શાળાની દીકરી કિંજલબેન મુકેશભાઈના હસ્તે ધ્વજવંદન કરવામાં આવ્યું. પ્રજાસત્તાક પર્વના અવસરે ગામની લક્ષ્મીરૂપ દીકરીઓનું વિશેષ સન્માન કરવામાં આવ્યું, જેમાં હિરવા અંકિતકુમાર પટેલ, આર્વી તેજસકુમાર પટેલ, ડિયાન્શી વિશાલકુમાર પટેલ અને હિયા મિલનકુમાર પટેલનો સમાવેશ થયો. કાર્યક્રમ દરમિયાન સ્વાગત ગીત, બંધારણ દિવસ અંતર્ગત કાવ્યપઠન, સ્વદેશી ચીજવસ્તુઓના ઉપયોગ માટેની પ્રતિજ્ઞા તેમજ દેશભક્તિ ગીતોની મનોહર પ્રસ્તુતિ કરવામાં આવી. આ પ્રસ્તુતિઓમાં આંગણવાડી (અકર-ચકર), બાલવાટિકા તથા ધોરણ ૧ અને ૨ ના વિદ્યાર્થીઓએ “સૂનો ગોર સે દુનિયાવાલો”, “માધવ મારા મોહનજી” અને “ઇન્ડિયાવાલે” જેવા દેશભક્તિ ગીતો રજૂ કરી સૌને મંત્રમુગ્ધ કર્યા. આ કાર્યક્રમમાં ખેરગામના પૂર્વ સરપંચ શ્રી કાર્તિકભાઈ પટેલ, ગ્રામ પંચાયતના પૂર્વ સભ્ય શ્રી બાબુભાઈ પટેલ, એસ.એમ.સી.ના સભ્ય શ્રી શંકરભાઈ પટેલ તેમજ ગામના આગેવાનો દિનેશભાઈ પટેલ, હિતેશભાઈ પટેલ, ભાવેશભાઈ પટેલ, અંકિતભાઈ પટેલ સહિતના ...

 નાણા મંત્રી શ્રી કનુભાઇ દેસાઈની ઉપસ્થિતિમાં ચીખલી ખાતે ૭૭મા પ્રજાસત્તાક પર્વની ભવ્ય ઉજવણી.  નવસારી જિલ્લાના ચીખલી ખાતે નેશનલ ક્રિકેટ ગ્રાઉન્ડ પર ૭૭મા પ્રજાસત્તાક પર્વની જિલ્લા કક્ષાની ઉજવણી ગુજરાત રાજ્યના માનનીય નાણા મંત્રી શ્રી કનુભાઇ દેસાઈની ઉપસ્થિતિમાં આન, બાન અને શાન સાથે યોજાઈ. રાષ્ટ્રધ્વજ ફરકાવ્યા બાદ મંત્રીશ્રીએ સંબોધનમાં જણાવ્યું કે પ્રજાસત્તાક પર્વ સંવિધાનના મૂલ્યોને આત્મસાત કરી રાષ્ટ્ર નિર્માણનો સંકલ્પ કરવાનો પાવન અવસર છે. તેમણે ૨૦૪૭ સુધીમાં વિકસિત ભારત બનાવવા સરકાર, સમાજ અને નાગરિકોના સંયુક્ત પ્રયાસો જરૂરી હોવાનું જણાવ્યું હતું. મંત્રીશ્રીએ માનનીય પ્રધાનમંત્રીશ્રી નરેન્દ્રભાઇ મોદીના નેતૃત્વમાં દેશે આત્મનિર્ભરતા, ટેકનોલોજી અને ઈન્ફ્રાસ્ટ્રક્ચર ક્ષેત્રે સિદ્ધિઓ હાંસલ કરી હોવાનું જણાવ્યું તથા માનનીય મુખ્યમંત્રી શ્રી ભૂપેન્દ્રભાઇ પટેલના નેતૃત્વમાં ગુજરાત સુશાસન અને વિકાસના માર્ગે આગળ વધી રહ્યું હોવાનું ઉમેર્યું. આ પ્રસંગે શ્રેષ્ઠ કામગીરી કરનાર કર્મયોગીઓનું સન્માન કરવામાં આવ્યું. ઉજવણી દરમિયાન વિદ્યાર્થીઓના દેશભક્તિપૂર્ણ સાંસ્કૃતિક કાર્યક્રમો, ટેબ્લોઝ અને શિસ્તબદ્ધ માર્...

  આછવણી આશ્રમશાળા ખાતે ખેરગામ તાલુકાની ૭૭મા ગણતંત્ર દિવસની ઉજવણી. આછવણી આશ્રમશાળા ખાતે તાલુકા કક્ષાનો કાર્યક્રમ યોજાયો આજરોજ ૭૭મા ગણતંત્ર દિવસની ઉજવણીના ભાગરૂપે ખેરગામ તાલુકાની તાલુકા કક્ષાની ઉજવણી આછવણી આશ્રમશાળા ખાતે ગૌરવભેર યોજાઈ હતી. તાલુકા વહીવટી તંત્ર વતી પ્રાંત અધિકારીશ્રી બી.એલ. માહલા સાહેબ દ્વારા તિરંગો ફરકાવવામાં આવ્યો હતો. આ પ્રસંગે તાલુકા પંચાયત પ્રમુખશ્રી રાજેશભાઈ, મામલતદારશ્રી ભાવેશભાઈ, તાલુકા હેલ્થ ઓફિસર પ્રજ્ઞેશભાઈ, તાલુકા પ્રાથમિક શિક્ષણાધિકારી મનીષભાઈ, તાલુકા પંચાયત તેમજ તાલુકાની વિવિધ કચેરીઓના અધિકારી-કર્મચારીઓ, ગામના સરપંચશ્રીઓ તથા આગેવાનો ઉપસ્થિત રહ્યા હતા. કાર્યક્રમ અંતર્ગત યોજાયેલ સાંસ્કૃતિક કાર્યક્રમમાં આછવણી આશ્રમશાળા, આછવણી બંધાડ ફળિયા પ્રાથમિક શાળા તથા ખેરગામ કોલેજના વિદ્યાર્થીઓએ દેશભક્તિ ગીતો અને સાંસ્કૃતિક નૃત્યો રજૂ કરી ઉપસ્થિતોને મંત્રમુગ્ધ કર્યા હતા. ઉત્કૃષ્ટ કામગીરી બદલ વહીવટી તંત્ર વતી વિવિધ વિભાગોના કર્મચારીઓને પ્રશસ્તિપત્ર આપી સન્માનિત કરવામાં આવ્યા હતા. જેમાં તાલુકા પંચાયતના ખુશ્બુબેન પટેલ (સિનિયર ક્લાર્ક), શિક્ષણ વિભાગના હેતલબેન પટેલ (શિક્ષક), ...

 નવસારી મહાનગરપાલિકાની અનોખી પહેલ, ફ્લાવર શોમાં વિશ્વ રેકોર્ડ શહેરી વિકાસ પર્વ 2025-26 અંતર્ગત સુશાસન પર્વની થીમ હેઠળ નવસારી મહાનગરપાલિકા દ્વારા નવસારી શહેરમાં પ્રથમ વખત ભવ્ય ફ્લાવર શોનું આયોજન કરવામાં આવ્યું. લુન્સીકુઇ મેદાન ખાતે આયોજિત આ ફ્લાવર શોનું ઉદ્ઘાટન કેન્દ્રીય જળ શક્તિ મંત્રી શ્રી સી.આર. પાટિલના વરદ હસ્તે કરવામાં આવ્યું. આ પ્રસંગે આદિજાતિ મંત્રી શ્રી નરેશભાઈ પટેલ, નવસારીના ધારાસભ્ય શ્રી રાકેશ દેસાઈ સહિત અનેક લોકપ્રતિનિધિઓ અને વરિષ્ઠ અધિકારીઓ ઉપસ્થિત રહ્યા હતા. મંત્રી શ્રી સી.આર. પાટિલે જણાવ્યું હતું કે ફ્લાવર શો માત્ર ફૂલોની પ્રદર્શની નહીં પરંતુ સરકારના સુશાસન, વિકાસ અને પર્યાવરણ પ્રત્યેની પ્રતિબદ્ધતાનું પ્રતીક છે. નવસારી ફ્લાવર શોમાં ૯૫ હજારથી વધુ ફૂલોનો ઉપયોગ કરીને તૈયાર કરાયેલ “નવસારી” શબ્દની વિશાળ ફૂલ આકૃતિને ગિનિસ વર્લ્ડ રેકોર્ડ પ્રાપ્ત થયો છે, જે નવસારી માટે ગૌરવની બાબત છે. ૧૦ લાખથી વધુ વિવિધ પ્રકારના પ્લાન્ટ્સ, દેશ-વિદેશના ફૂલો તથા વિવિધ કલાત્મક આકૃતિઓ સાથે આ ફ્લાવર શોએ પર્યાવરણ જાગૃતિ, હરિત સંસ્કૃતિ અને શહેરના સૌંદર્યમાં નોંધપાત્ર વધારો કર્યો છે. #Navsari #Navsari...

  રૂ.3 કરોડના ખર્ચે નવનિર્મિત ચીખલી બસ સ્ટેશનનું લોકાર્પણ નવસારી જિલ્લાના ચીખલી ખાતે માનનીય કેન્દ્રીય જળ શક્તિ મંત્રી શ્રી સી.આર. પાટીલ તથા રાજ્યના માનનીય આદિજાતિ મંત્રી શ્રી નરેશભાઈ પટેલના હસ્તે રૂ. 3 કરોડના ખર્ચે નવનિર્મિત ચીખલી બસ સ્ટેશનનું લોકાર્પણ કરવામાં આવ્યું. ગુજરાત રાજ્ય માર્ગ વાહન વ્યવહાર નિગમ (GSRTC)ના આ નવ્ય પ્રકલ્પથી ચીખલી શહેર અને આસપાસના ગ્રામ્ય તથા આદિજાતિ વિસ્તારોના નાગરિકોને મુસાફરી માટે વધુ સુવિધાજનક, સુરક્ષિત અને આધુનિક માળખું ઉપલબ્ધ બનશે. આ અવસરે આદિજાતિ મંત્રી શ્રી નરેશભાઈ પટેલે જણાવ્યું કે નવો બસ ડેપો સામાન્ય જનતા માટે વિશ્વસનીય અને ઓછી ભાડે પરિવહન સુવિધા પૂરું પાડવામાં મહત્વનો આધારસ્તંભ સાબિત થશે. તેમણે એસ.ટી. બસ ડેપોમાં ફરજ બજાવતા ડ્રાઈવર અને કંડકટરોની નિષ્ઠા, સેવાભાવ અને કાર્યનિષ્ઠાને વંદન કરી તેમનો આભાર વ્યક્ત કર્યો. તેમણે ઉમેર્યું કે કઠિન પરિસ્થિતિઓમાં પણ મુસાફરોની સુરક્ષા અને સમયસર સેવાને પ્રાથમિકતા આપીને તેઓ રાજ્યની જનસેવામાં મહત્વની ભૂમિકા ભજવે છે. માનનીય વડાપ્રધાન શ્રી નરેન્દ્રભાઈ મોદીના વિકાસવિઝનને અનુસરીને માનનીય મુખ્યમંત્રી શ્રી ભૂપેન્દ્રભાઈ પટેલ...