KHERGAM DAINIK NEWS | ખેરગામ દૈનિક ન્યૂઝ

વડનગરથી વારાણસી સુધીની ‘સેવા યાત્રા’માં જોડાયેલા ખેરગામના યુવાનોનું સન્માન માનનીય સાંસદ શ્રી ધવલભાઈ પટેલના હસ્તે શાલ ઓઢાડી અને સન્માનપત્ર અર્પણ કરી યુવા સેવા યાત્રીઓનું સન્માન ખેરગામ | વિશેષ અહેવાલ દેશસેવા, સમાજસેવા અને રાષ્ટ્રભાવનાના સંદેશને જનજન સુધી પહોંચાડવાના હેતુથી આયોજિત ‘વડનગરથી વારાણસી : અ જર્ની ઑફ સેવા’ યાત્રામાં સહભાગી બની સેવા અને સમર્પણનું યોગદાન આપનાર વલસાડ–ડાંગ સંસદીય વિસ્તારના યુવા સેવા યાત્રીઓનું સન્માન કરવામાં આવ્યું હતું. વલસાડ–ડાંગના સાંસદ શ્રી ધવલભાઈ પટેલના હસ્તે યુવાનોને શાલ ઓઢાડીને તથા સન્માનપત્ર અર્પણ કરીને તેમની સેવાભાવનાને બિરદાવવામાં આવી હતી.  આ સેવા યાત્રા આદરણીય પ્રધાનમંત્રી શ્રી નરેન્દ્રભાઈ મોદીના ૨૫ વર્ષના સેવાપૂર્ણ જાહેર જીવનથી પ્રેરિત હતી. વડનગરથી વારાણસી સુધીની આશરે ૩૫,૫૦૦ કિલોમીટરની આ યાત્રા દ્વારા સેવા, સમર્પણ, સામાજિક જવાબદારી અને રાષ્ટ્રપ્રેમના વિચારોને લોકો સુધી પહોંચાડવાનો પ્રયાસ કરવામાં આવ્યો હતો. વિવિધ વિસ્તારોના યુવાનોની સહભાગિતાએ આ યાત્રાને યુવા શક્તિ અને જનસેવાના સંકલ્પ સાથે જોડી હતી. આ યાત્રામાં ખેરગામ તાલુકાના યુવા અગ્રણી કાર્યક...

  વલસાડમાં નવીન એસ.ટી. ડેપો-વર્કશોપનું ખાતમુહૂર્ત સંપન્ન. આધુનિક પરિવહન સુવિધાઓના વિકાસ તરફ મહત્વપૂર્ણ પગલું વલસાડ, તા. 24 ઓક્ટોબર: ગુજરાત રાજ્ય માર્ગ વાહનવ્યવહાર નિગમ દ્વારા વલસાડ ખાતે નિર્માણ પામનાર નવીન એસ.ટી. ડેપો-વર્કશોપનું ખાતમુહૂર્ત કરવામાં આવ્યું હતું. રાજ્યના આદિજાતિ વિકાસ, ખાદી, કુટિર અને ગ્રામોદ્યોગ મંત્રી શ્રી નરેશભાઈ પટેલના વરદ્ હસ્તે ખાતમુહૂર્ત વિધિ સંપન્ન થઈ હતી. આ પ્રસંગે સાંસદ શ્રી ધવલભાઈ પટેલ, જિલ્લા પંચાયત પ્રમુખ શ્રીમતી હેતલબેન પટેલ, વલસાડના ધારાસભ્ય શ્રી ભરતભાઈ પટેલ, ધરમપુરના ધારાસભ્ય શ્રી અરવિંદભાઈ પટેલ તેમજ જિલ્લા ભાજપ પ્રમુખ શ્રી હેમંતભાઈ કંસારા સહિત વિવિધ પદાધિકારીઓ અને વહીવટી અધિકારીઓ ઉપસ્થિત રહ્યા હતા. વલસાડ ખાતે નવીન એસ.ટી. ડેપો-વર્કશોપનું નિર્માણ થવાથી જિલ્લાના પરિવહન માળખાને વધુ આધુનિક અને સુવ્યવસ્થિત બનાવવામાં મદદ મળશે. આ પ્રકલ્પ પૂર્ણ થયા બાદ મુસાફરોને વધુ સુદ્રઢ અને સુલભ પરિવહન સેવાઓ પૂરી પાડવાની સાથે એસ.ટી. બસોના સંચાલન તથા જાળવણીની વ્યવસ્થાને પણ વેગ મળવાની અપેક્ષા છે. વલસાડ જિલ્લામાં જાહેર પરિવહન સુવિધાઓના વિકાસની દિશામાં આ પ્રકલ્પને મહત્વપૂ...

૭૦મી અખિલ ભારતીય શાળાકીય હોકી સ્પર્ધામાં ડાંગ જિલ્લાની અંડર-૧૯ બહેનોની ટીમે રાજ્યકક્ષાએ ગોલ્ડ મેડલ જીત્યો. સાપુતારા ખાતે યોજાયેલી હોકી ટુર્નામેન્ટમાં ડાંગની દીકરીઓએ ઉત્કૃષ્ટ પ્રદર્શન કરી જિલ્લાનું ગૌરવ વધાર્યું સાપુતારા ખાતે ૭૦મી અખિલ ભારતીય શાળાકીય હોકી સ્પર્ધા અંતર્ગત આયોજિત રાજ્યકક્ષાની હોકી ટુર્નામેન્ટમાં ડાંગ જિલ્લાની અંડર-૧૯ બહેનોની ટીમે શાનદાર રમતનું પ્રદર્શન કરીને પ્રથમ સ્થાન પ્રાપ્ત કર્યું છે. ટીમે ફાઇનલમાં વિજય મેળવી ગોલ્ડ મેડલ પોતાના નામે કર્યો હતો. સમગ્ર સ્પર્ધા દરમિયાન ડાંગની ખેલાડીઓએ ઉત્તમ ટીમવર્ક, રમતકૌશલ્ય, સંકલન અને ખેલદિલીનું પ્રદર્શન કરીને ચેમ્પિયનશિપ હાંસલ કરી હતી. આ સિદ્ધિથી ડાંગ જિલ્લાનું નામ રમતગમત ક્ષેત્રે ગૌરવભેર ઉજ્જવળ બન્યું છે. આ સફળતા બદલ ડાંગ જિલ્લા રમત વિકાસ અધિકારી શ્રી અલ્કેશભાઈ પટેલે વિજેતા ખેલાડીઓ, કોચ અને સમગ્ર સપોર્ટ સ્ટાફને અભિનંદન પાઠવ્યા હતા. ટીમના પ્રેરણાસ્ત્રોત અને માર્ગદર્શક પરમ પૂજ્ય પી.પી. સ્વામીજીએ પણ ખેલાડીઓને આશીર્વાદ આપી તેમનો ઉત્સાહ વધાર્યો હતો. કોચ અને ટ્રેનર્સના માર્ગદર્શન હેઠળ તૈયાર થયેલી આ ટીમે આગામી સમયમાં રાષ્ટ્રીય કક્ષાએ ગુ...

આદિજાતિ વિકાસ મંત્રીશ્રી નરેશભાઈ પટેલના હસ્તે ચીખલી તાલુકાનાં વિવિધ ગામોમાં રૂ. ૯.૧૯ કરોડનાં વિકાસકાર્યોનું ખાતમુહૂર્ત. મુખ્યમંત્રી હળપતિ સર્વાંગી ઉત્કર્ષ યોજના સહિત વિવિધ યોજનાઓ હેઠળ રસ્તા, પુલ, ગ્રામ પંચાયત ભવન, આંગણવાડી અને શાળાના નવા બાંધકામનો પ્રારંભ નવસારી : નવસારી જિલ્લાના ચીખલી તાલુકાનાં તલાવચોરા, ઘેજ, ચરી અને સોલધરા ગામોમાં આદિજાતિ વિકાસ મંત્રી શ્રી નરેશભાઈ પટેલના હસ્તે કુલ રૂ. ૯.૧૯ કરોડના વિવિધ વિકાસકાર્યોનું ખાતમુહૂર્ત કરવામાં આવ્યું હતું. મુખ્યમંત્રી હળપતિ સર્વાંગી ઉત્કર્ષ યોજના સહિત વિવિધ સરકારી યોજનાઓ હેઠળ હાથ ધરાનારા આ વિકાસકાર્યોથી ગ્રામ્ય વિસ્તારોમાં માર્ગ, શિક્ષણ, બાળપોષણ અને પાયાની માળખાકીય સુવિધાઓ વધુ મજબૂત બનશે. આ પ્રસંગે મંત્રીશ્રી નરેશભાઈ પટેલે જણાવ્યું હતું કે, આદિજાતિ વિસ્તારોના સર્વાંગી વિકાસ માટે રાજ્ય સરકાર સતત પ્રયત્નશીલ છે. ગામડાંના નાગરિકોને વધુ સારી સુવિધાઓ મળી રહે તે હેતુથી રસ્તા, પુલ, ગ્રામ પંચાયત ભવન, આંગણવાડી કેન્દ્રો અને શૈક્ષણિક સુવિધાઓના વિકાસને પ્રાથમિકતા આપવામાં આવી રહી છે. વિવિધ ગામોમાં વિકાસકાર્યોનો પ્રારંભ તલાવચોરા ગામ: કાવેરી નદીના પ...

માનનીય મુખ્યમંત્રીશ્રી ભૂપેન્દ્ર પટેલે નવસારી જિલ્લા પ્રશાસનની માનવતાસભર કામગીરીને બિરદાવી ૧૩ એસેસમેન્ટ કેમ્પ દ્વારા ૭,૦૦૦થી વધુ વરિષ્ઠ નાગરિકો અને દિવ્યાંગજનોને સહાય; ૩૦,૦૦૦થી વધુ સહાયક સાધનો ઉપલબ્ધ કરાવવાની કામગીરીની પ્રશંસા. નવસારી, તા. ૧૯ ઓક્ટોબર, ૨૦૨૬: સમાજના છેવાડાના નાગરિકો સુધી સરકારી યોજનાઓનો લાભ પહોંચાડવાના ઉદ્દેશથી નવસારી જિલ્લા પ્રશાસન દ્વારા વરિષ્ઠ નાગરિકો અને દિવ્યાંગજનો માટે હાથ ધરવામાં આવેલી કલ્યાણકારી કામગીરીની મુખ્યમંત્રી શ્રી ભૂપેન્દ્ર પટેલે પ્રશંસા કરી છે. આ અંગે તેમણે જિલ્લા કલેક્ટર શ્રી મનીષ ગુરવાનીને પત્ર લખીને અભિનંદન પાઠવ્યા છે. જિલ્લા મિનરલ ફાઉન્ડેશન ગ્રાન્ટ, ભારત સરકારની રાષ્ટ્રીય વયોશ્રી યોજના અને ADIP યોજનાના સંકલનથી જિલ્લાના તમામ તાલુકાઓમાં ૧૩ વિશાળ એસેસમેન્ટ કેમ્પ યોજવામાં આવ્યા હતા. આ કેમ્પમાં ૭,૦૦૦થી વધુ વરિષ્ઠ નાગરિકો અને દિવ્યાંગજનોની શારીરિક તપાસ કરીને તેમની જરૂરિયાત મુજબ વ્હીલચેર, મોટરાઇઝ્ડ ટ્રાઇસિકલ, શ્રવણયંત્ર સહિત ૩૦,૦૦૦થી વધુ સહાયક સાધનો અને સાધન-સહાય ઉપલબ્ધ કરાવવાની કામગીરી હાથ ધરવામાં આવી હતી. મુખ્યમંત્રીશ્રીએ આ પહેલને વડાપ્રધાન શ્રી નરેન...

નવસારી જિલ્લા કલેક્ટર મનીષ ગુરવાની સાહેબની અંબાડા ગામની મુલાકાત  આરોગ્ય, શિક્ષણ, જાહેર વિતરણ વ્યવસ્થા અને ગ્રામ્ય સુવિધાઓનું નિરીક્ષણ કરી કામગીરીની સમીક્ષા કરી નવસારી, બુધવાર: નવસારી જિલ્લા કલેક્ટરશ્રી મનીષ ગુરવાની દ્વારા નવસારી તાલુકાના અંબાડા ગામની મુલાકાત લઈ આરોગ્ય, શિક્ષણ, જાહેર વિતરણ વ્યવસ્થા અને ગ્રામ્ય સુવિધાઓની કામગીરીનું નિરીક્ષણ કરવામાં આવ્યું હતું. મુલાકાત દરમિયાન કલેક્ટરશ્રીએ અંબાડા રેફરલ હોસ્પિટલ–સામૂહિક આરોગ્ય કેન્દ્રની મુલાકાત લઈ દર્દીઓને આપવામાં આવતી સારવાર, દવાઓના જથ્થા, ઉપલબ્ધ તબીબી સાધનો તેમજ નવા મકાનના બાંધકામની કામગીરી અંગે માહિતી મેળવી હતી. ત્યારબાદ સરકાર માન્ય સસ્તા અનાજની દુકાનની મુલાકાત દરમિયાન અનાજના ઉપલબ્ધ જથ્થા અને રેશનકાર્ડ ધારકોને નિયમ મુજબ અનાજનું વિતરણ થાય છે કે કેમ તેની ચકાસણી કરી હતી. કલેક્ટરશ્રીએ કેન્દ્ર પ્રાથમિક શાળામાં શૈક્ષણિક કામગીરી, વિદ્યાર્થીઓની પ્રગતિ અને મધ્યાહન ભોજનની ગુણવત્તાનું નિરીક્ષણ કર્યું હતું. ગ્રામ પંચાયતની મુલાકાત દરમિયાન ગામમાં ઉપલબ્ધ પાયાની સુવિધાઓ તથા સ્થાનિક પ્રશ્નો અંગે પણ વિગતો મેળવી હતી. આંગણવાડી કેન્દ્રની મુલાકા...