KHERGAM DAINIK NEWS | ખેરગામ દૈનિક ન્યૂઝ

    વાંસદાના ઘોડમાળ ખાતે ₹190.62 કરોડના 49 વિકાસકાર્યોનું ભૂમિપૂજન અને ખાતમુહૂર્ત. નાયબ મુખ્યમંત્રીશ્રી હર્ષ સંઘવીના હસ્તે વિકાસકાર્યોનો પ્રારંભ; ચીખલી, ખેરગામ અને વાંસદામાં ભગવાન બિરસા મુંડા તાલુકાકક્ષાની લાયબ્રેરીઓનું પણ નિર્માણ થશે નવસારી, તા. 3 નવેમ્બર: નવસારી જિલ્લાના વાંસદા તાલુકાના ઘોડમાળ ખાતે રાજ્યના નાયબ મુખ્યમંત્રીશ્રી હર્ષ સંઘવીના હસ્તે કુલ ₹190.62 કરોડના ખર્ચે હાથ ધરાનારા 49 વિવિધ વિકાસકાર્યોનું રિમોટના માધ્યમથી ભૂમિપૂજન અને ખાતમુહૂર્ત કરવામાં આવ્યું હતું. માર્ગ અને મકાન વિભાગ (રાજ્ય તથા પંચાયત) તેમજ રમતગમત, યુવા સેવા અને સાંસ્કૃતિક પ્રવૃત્તિઓ વિભાગના વિવિધ લોકોપયોગી વિકાસકાર્યોનો આ પ્રસંગે પ્રારંભ કરવામાં આવ્યો હતો. આ પ્રસંગે નાયબ મુખ્યમંત્રીશ્રી હર્ષ સંઘવીએ જણાવ્યું હતું કે વાંસદા જેવા આદિવાસી વિસ્તારમાં રસ્તા, કોઝવે, બ્રિજ અને અન્ય પાયાની સુવિધાઓનો વિકાસ એ માત્ર બાંધકામની કામગીરી નથી, પરંતુ વિસ્તારના ખેડૂતો, વિદ્યાર્થીઓ અને સામાન્ય નાગરિકોના જીવનમાં સુવિધા અને પ્રગતિની નવી તકો ઊભી કરવાનો પ્રયાસ છે. સરકારની યોજનાઓ અને સુવિધાઓ છેવાડાના નાગરિક સુધી પહોંચે તે વિકાસ...

દિવાળીના પર્વે કંડોલપાડાના ભક્તિ ફળિયામાં આદિવાસી ‘ઘેર’ નૃત્યની પરંપરા જીવંત જોહર ગ્રુપના યુવાનોની અનોખી પહેલ : વાઘબારસથી લાભપાંચમ સુધી આસપાસનાં ગામોમાં ઘેર નૃત્યની રમઝટ વાંસદા : દક્ષિણ ગુજરાતના આદિવાસી સમાજની સમૃદ્ધ લોકસંસ્કૃતિ, પરંપરા અને સામૂહિક એકતાનું પ્રતીક ગણાતું પરંપરાગત ‘ઘેર’ નૃત્ય આજે પણ દિવાળીના પર્વ દરમિયાન ઉત્સાહભેર ઉજવાઈ રહ્યું છે. નવસારી જિલ્લાના વાંસદા તાલુકાના કંડોલપાડા ગામના ભક્તિ ફળિયામાં જોહર ગ્રુપના યુવાનો દ્વારા વર્ષોથી આ સાંસ્કૃતિક પરંપરાને જીવંત રાખવાનો સરાહનીય પ્રયાસ કરવામાં આવી રહ્યો છે. દિવાળીના પર્વ નિમિત્તે ભક્તિ ફળિયાના યુવાનો દ્વારા દર વર્ષે પરંપરાગત આદિવાસી ઘેરનું આયોજન કરવામાં આવે છે. વાઘબારસ અને ધનતેરસથી શરૂ થતી આ લોકસાંસ્કૃતિક ઉજવણી લાભપાંચમ અને કાચકી દિવાળી સુધી વિવિધ ગામોમાં ઘેર નૃત્યના કાર્યક્રમો સાથે આગળ વધે છે. આ પરંપરાના ભાગરૂપે કંડોલપાડા ઉપરાંત સિંગાડ, રૂપવેલ, વાલઝર, વાંદરવેલા, ધોળીકૂવા, બામણિયા, ભૂતદેવા સહિત આસપાસનાં અનેક ગામોમાં યુવાનો પરંપરાગત ઘેર સાથે પહોંચે છે. ગામેગામ યોજાતા મેળાઓમાં ઢોલના તાલે અને લોકસંગીતની સુરાવલીઓ વચ્ચે ઘેર નૃત્ય...

  ખેરગામને દિવાળીની રૂ. 32 કરોડની વિકાસ ભેટ! 25 વર્ષ જૂની ડ્રેનેજ સમસ્યાના ઉકેલનો માર્ગ મોકળો ભૂગર્ભ ગટર યોજના માટે રૂ. 21 કરોડ સહિત અનેક વિકાસકાર્યોને સૈદ્ધાંતિક મંજૂરી; નવી પાણીની પાઈપલાઈન, ડેકોરેટિવ સ્ટ્રીટલાઇટ અને તળાવના સૌંદર્યીકરણથી ખેરગામ બનશે વધુ સુવિધાસભર ખેરગામ, નવસારી: દિવાળીના તહેવાર પૂર્વે ખેરગામના વિકાસને નવી દિશા આપનારા મહત્વપૂર્ણ સમાચાર સામે આવ્યા છે. ગામની પાયાની સુવિધાઓને આધુનિક બનાવવા માટે અંદાજે રૂ. 32 કરોડના વિકાસલક્ષી આયોજનને રાજ્યસ્તરે સૈદ્ધાંતિક મંજૂરી મળતાં ગ્રામજનોમાં આનંદની લાગણી પ્રસરી છે. વર્ષોથી પડતર રહેલી ડ્રેનેજની સમસ્યાના નિરાકરણની આશા સાથે ગામમાં ઉત્સવ જેવો માહોલ સર્જાયો હતો. ગ્રામજનોએ ફટાકડા ફોડી આ નિર્ણયને વધાવ્યો હતો. આ વિકાસલક્ષી આયોજનમાં સૌથી મહત્ત્વપૂર્ણ પ્રોજેક્ટ ભૂગર્ભ ગટર યોજનાનો છે. અંદાજે રૂ. 21 કરોડના ખર્ચે આ યોજના સાકાર કરવાની દરખાસ્ત છે. અત્યાર સુધી ભૂગર્ભ ગટર વ્યવસ્થાના અભાવે ખેરગામના વિવિધ વિસ્તારોમાં ગંદા પાણીના નિકાલની સમસ્યા ઊભી થતી હતી. છેલ્લા 25 વર્ષથી વધુ સમયથી આ પ્રશ્નના કાયમી ઉકેલ માટે રજૂઆતો કરવામાં આવતી હતી. હવે યોજનાન...

  રંગપુર શાળાના બાળ અષ્ટપ્રધાનમંડળે જિલ્લા વહીવટી તંત્રની મુલાકાત લઈ મેળવ્યું વહીવટી કામગીરીનું પ્રત્યક્ષ જ્ઞાન નવસારી : વિદ્યાર્થીઓમાં નેતૃત્વ, જવાબદારી, લોકશાહી મૂલ્યો અને વહીવટી વ્યવસ્થાની સમજ વિકસે તેવા શૈક્ષણિક હેતુ સાથે રંગપુર પ્રાથમિક શાળાના બાળ અષ્ટપ્રધાનમંડળ દ્વારા નવસારી જિલ્લા વહીવટી તંત્રની વિવિધ કચેરીઓની શૈક્ષણિક મુલાકાત યોજવામાં આવી હતી. આ મુલાકાત દરમિયાન બાળ અષ્ટપ્રધાનમંડળના સભ્યોએ જિલ્લા પ્રાથમિક શિક્ષણાધિકારી (DPEO), જિલ્લા વિકાસ અધિકારી (DDO) તેમજ જિલ્લા કલેક્ટરશ્રીની કચેરીની મુલાકાત લઈને વહીવટી કામગીરી અને સરકારી તંત્રની કાર્યપદ્ધતિ વિશે પ્રત્યક્ષ જાણકારી મેળવી હતી. આ પ્રસંગે જિલ્લા પ્રાથમિક શિક્ષણાધિકારી શ્રી ડૉ. અરુણકુમાર અગ્રવાલ સાહેબ તથા જિલ્લા કલેક્ટર શ્રી મનીષ ગુરવાની સાહેબ સાથે વિદ્યાર્થીઓને સંવાદ કરવાની તક મળી હતી. અધિકારીઓએ બાળકો સાથે આત્મીયતાપૂર્વક વાતચીત કરી તેમની જિજ્ઞાસાઓને સાંભળી હતી અને વિવિધ વહીવટી જવાબદારીઓ, નિર્ણય પ્રક્રિયા તથા જાહેરસેવાના મહત્વ વિશે સરળ ભાષામાં માર્ગદર્શન આપ્યું હતું. બાળ અષ્ટપ્રધાનમંડળના સભ્યોએ અધિકારીઓને વિવિધ પ્રશ્નો પૂ...

  ભીનારના પાટી ફળિયામાં મહાકાળી માતાજીના મંદિરે શરદ પૂર્ણિમાની ભક્તિભાવપૂર્વક ઉજવણી. હોમ-હવન અને પૂજા-અર્ચના સાથે ગ્રામજનોએ ગરબે ઘૂમી ભક્તિ અને એકતાનો સંદેશ આપ્યો ભીનાર (વાંસદા): વાંસદા તાલુકાના ભીનાર ગામના પાટી ફળિયામાં આવેલા મહાકાળી માતાજીના મંદિરના પ્રાંગણમાં આસો સુદ પૂનમ એટલે કે શરદ પૂર્ણિમાના પાવન અવસરે ધાર્મિક કાર્યક્રમનું ભક્તિભાવપૂર્વક આયોજન કરવામાં આવ્યું હતું. આ પ્રસંગે હોમ-હવન, પૂજા-અર્ચના અને ગરબા સહિતના કાર્યક્રમો દ્વારા સમગ્ર વાતાવરણ ભક્તિમય બની ગયું હતું. મંદિરના પૂજારી તથા ભગત સુખાભાઈ પટેલના માર્ગદર્શન હેઠળ મંદિરના પ્રાંગણમાં વિધિવત્ હોમ-હવન અને પૂજાનું આયોજન કરવામાં આવ્યું હતું. આ ધાર્મિક પ્રસંગે ગામના લોકોએ મોટી સંખ્યામાં ઉપસ્થિત રહી શ્રદ્ધાપૂર્વક પૂજા-હવનમાં ભાગ લીધો હતો. ત્યારબાદ માતાજીની આરાધના સાથે ગરબા રમીને સૌએ હર્ષોલ્લાસપૂર્વક શરદ પૂર્ણિમાની ઉજવણી કરી હતી. ઉપસ્થિત સૌ માટે ચા-નાસ્તાની વ્યવસ્થા પણ કરવામાં આવી હતી. આ પ્રસંગે ગામના ડેપ્યુટી સરપંચ ગુલાબભાઈ પટેલ, નિવૃત્ત પોલીસકર્મી પ્રેમભાઈ પટેલ, શિક્ષક ભાગુભાઈ પટેલ સહિત ગામના અગ્રણીઓ અને મોટી સંખ્યામાં ગ્રામજનો...

   ખડકિયામાં શરદ પૂર્ણિમાના ગરબા મહોત્સવમાં ફેન્સી ડ્રેસ સ્પર્ધા યોજાઈ. બાળકોની સર્જનાત્મકતાને પ્રોત્સાહન આપવા સોનાજલ ગરબા મંડળનો પ્રયાસ; મહાનુભાવોના હસ્તે બાળકોને ઇનામો એનાયત કરાયાં ખડકિયા, વાંસદા: નવસારી જિલ્લાના વાંસદા તાલુકાના ખડકિયા ગામે આવેલા પવિત્ર ઉપવન ખાતે શરદ પૂર્ણિમાના પાવન અવસરે સોનાજલ ગરબા મંડળ દ્વારા ગરબા મહોત્સવ અને ફેન્સી ડ્રેસ સ્પર્ધાનું આયોજન કરવામાં આવ્યું હતું. આ કાર્યક્રમમાં બાળકોએ વિવિધ પાત્રોની વેશભૂષા ધારણ કરીને પોતાની કલ્પનાશક્તિ અને સર્જનાત્મકતાનું પ્રદર્શન કર્યું હતું. બાળકોમાં રહેલી પ્રતિભાને પ્રોત્સાહન આપવા અને તેમનામાં આત્મવિશ્વાસ વધારવાના હેતુથી યોજાયેલી આ સ્પર્ધામાં બાળકોએ ઉત્સાહપૂર્વક ભાગ લીધો હતો. તેમની આકર્ષક વેશભૂષા અને રજૂઆત ઉપસ્થિત લોકો માટે આકર્ષણનું કેન્દ્ર બની હતી. કાર્યક્રમમાં ઉપસ્થિત પી.આઈ. કિરણ પાડવીએ બાળકોના સર્વાંગી વિકાસ અને સર્જનાત્મક પ્રવૃત્તિઓના મહત્ત્વ અંગે માર્ગદર્શન આપ્યું હતું. તેમણે બાળકોને અભ્યાસની સાથે કલા, રમતગમત અને સાંસ્કૃતિક પ્રવૃત્તિઓમાં પણ ભાગ લેવા પ્રોત્સાહિત કરવાની જરૂરિયાત પર ભાર મૂક્યો હતો. સ્પર્ધામાં ભાગ લેના...