ડૉ. ફાલ્ગુની રાકેશભાઈ રાઠોડને શ્રેષ્ઠ શિક્ષક રાજ્ય પારિતોષિક-૨૦૨૬

માનનીય રાજ્યપાલશ્રી આચાર્ય દેવવ્રતજીના હસ્તે સન્માન

નવસારી, તા. 5 સપ્ટેમ્બર 2026: ગુજરાત સરકારના શિક્ષણ વિભાગ દ્વારા આપવામાં આવતા શ્રેષ્ઠ શિક્ષક રાજ્ય પારિતોષિક-૨૦૨૬ માટે રાજ્યના પ્રાથમિક અને માધ્યમિક વિભાગના શિક્ષકોની પસંદગી કરવામાં આવી છે. જિલ્લા કક્ષાની સમિતિઓ પાસેથી પ્રાપ્ત થયેલી ભલામણોના આધારે રાજ્ય કક્ષાની પસંદગી સમિતિની ભલામણ મુજબ દક્ષિણ ઝોનમાંથી પ્રાથમિક વિભાગ માટે સિસોદરા કન્યાશાળા, નવસારીનાં શિક્ષિકા ડૉ. ફાલ્ગુની રાકેશભાઈ રાઠોડની પસંદગી કરવામાં આવી છે.

શિક્ષણ ક્ષેત્રે ઉત્કૃષ્ટ કામગીરી, નવીન શૈક્ષણિક અભિગમ તેમજ વિદ્યાર્થીઓના સર્વાંગી વિકાસ માટેના નોંધપાત્ર યોગદાનને ધ્યાને લઈ ડૉ. ફાલ્ગુનીબેન રાઠોડને આ પ્રતિષ્ઠિત રાજ્ય પારિતોષિક માટે પસંદ કરવામાં આવ્યા છે. શિક્ષક દિનના પાવન અવસરે માનનીય રાજ્યપાલશ્રી આચાર્ય દેવવ્રતજીના હસ્તે તેમને આ ગૌરવપૂર્ણ સન્માન અર્પણ કરવામાં આવ્યું હતું.

ડૉ. ફાલ્ગુની રાકેશભાઈ રાઠોડની આ સિદ્ધિથી સમગ્ર નવસારી જિલ્લાના શિક્ષણ જગતમાં આનંદ અને ગૌરવની લાગણી પ્રસરી છે. તેમની કાર્યનિષ્ઠા, શૈક્ષણિક સમર્પણ અને વિદ્યાર્થીઓના સર્વાંગી વિકાસ માટેની પ્રતિબદ્ધતા અન્ય શિક્ષકો માટે પણ પ્રેરણારૂપ બની રહેશે.

આ ગૌરવપૂર્ણ સિદ્ધિ બદલ નવસારી જિલ્લા પ્રાથમિક શિક્ષક સંઘ દ્વારા ડૉ. ફાલ્ગુની રાકેશભાઈ રાઠોડને હાર્દિક અભિનંદન પાઠવવામાં આવ્યા છે. સંઘે તેમના ઉજ્જવળ ભવિષ્ય માટે શુભકામનાઓ પાઠવી છે તેમજ આગામી સમયમાં પણ શિક્ષણ ક્ષેત્રે વધુ શ્રેષ્ઠ અને પ્રેરણાદાયી કામગીરી કરે તેવી શુભેચ્છા વ્યક્ત કરી છે.

— નવસારી જિલ્લા પ્રાથમિક શિક્ષક સંઘ