સેવા માટે સંપત્તિ નહીં, પણ સંવેદના જોઈએ!
સેવા માટે સંપત્તિ નહીં, પણ સંવેદના જોઈએ!
વલસાડ: વિનાશક પૂરની આપત્તિ વચ્ચે વિરવલ સ્થિત અનસૂયા છાત્રાલયની આદિવાસી દીકરીઓએ માનવતાનું અનોખું અને પ્રેરણાદાયી ઉદાહરણ પૂરું પાડ્યું છે. આર્થિક રીતે દાન કરવાની ક્ષમતા ન હોવા છતાં તેમણે સેવા માટે અનોખો માર્ગ પસંદ કરીને પૂર પીડિતો પ્રત્યે પોતાની સંવેદના વ્યક્ત કરી છે.
"અમારી પાસે દાન આપવા પૈસા નથી, પરંતુ અમે પૂર પીડિતોના કપડાં ધોઈને સેવા કરવા માંગીએ છીએ," એવા નિઃસ્વાર્થ ભાવ સાથે દીકરીઓએ ટેમ્પો ભરેલા કપડાં કલાકોની મહેનત કરીને પોતાના હાથે ધોઈ સ્વચ્છ બનાવ્યા. તેમની આ સેવા માત્ર એક કાર્ય નહોતું, પરંતુ કરુણા, માનવતા અને સામાજિક જવાબદારીનું જીવંત ઉદાહરણ બની રહી છે.
આ ઘટનાએ સાબિત કર્યું છે કે સાચી સેવા માટે સંપત્તિ નહીં, પરંતુ સંવેદનાથી ભરેલું હૃદય જરૂરી છે. વિરવલની આ દીકરીઓનો સેવાભાવ સમગ્ર સમાજ માટે પ્રેરણાસ્ત્રોત બની રહ્યો છે અને આપત્તિના સમયમાં માનવતા જ સૌથી મોટી તાકાત છે તેવો સંદેશ આપી રહ્યો છે.
વિરવલની આ સેવાભાવી દીકરીઓને હૃદયપૂર્વક વંદન અને તેમની માનવતાભરી પહેલને સલામ.
Comments
Post a Comment