Kutch news : ‘સ્વચ્છતા હી સેવા’ અભિયાન અંતર્ગત શાળાના વિદ્યાર્થીઓએ વેસ્ટ મેનેજમેન્ટના પાઠ ભણ્યા.
ભૂલકાઓએ ‘વેસ્ટ ટુ વેલ્થ’ ની થીમ હેઠળ પેપરબેગ બનાવીને સ્વચ્છતાનો સંદેશ પાઠવ્યો
ભુજ, શુક્રવાર
જિલ્લામાં “સ્વચ્છતા હી સેવા“ કેમ્પેઈનની શરૂઆત કરવામાં આવી છે. “સ્વભાવ સ્વચ્છતા, સંસ્કાર સ્વચ્છતા”ની થીમ સાથે વિવિધ સ્થળોએ સ્વચ્છતાની કામગીરી કરવામાં આવી રહી છે ત્યારે આજરોજ કચ્છ જિલ્લાની શાળાઓમાં વિદ્યાર્થીઓને ‘વેસ્ટ ટુ વેલ્થ’ ની થીમ સાથે બાળકોને પેપરબેગ બનાવતા શીખવવામાં આવ્યું હતું તથા વેસ્ટ મેનેજમેન્ટ અંગે માહિતગાર કરાયા હતા.
બાળકોમાં સ્વચ્છતાના સંસ્કાર કેળવાય અને આવનારી પેઢી પર્યાવરણના રક્ષણ સાથે સફાઇ પ્રત્યે જાગૃત બને હેતુથી શાળાઓમાં વિવિધ પ્રવૃત્તિ કરવામાં આવી હતી. જિલ્લાના દરેક તાલુકાના વિવિધ ગામમાં આજરોજ વિદ્યાર્થીઓએ પેપરબેગ બનાવવાના પાઠ ભણ્યા હતા. જેમાં સામખિયાળી કુમાર શાળા, મોડસર, નાની ચિરઇ નંદગામ પ્રાથમિક શાળા, ભુજપર વગેરે શાળાના ભૂલકાઓએ વેસ્ટમાંથી બેસ્ટની પ્રવૃત્તિ કરીને સ્વચ્છતાનો સંદેશો પાઠવ્યો હતો.
