નાનકડી ઉંમરમાં અદભૂત હસ્તલેખન: પ્રહાન દેસાઈનું ઉદાહરણ
ખેરગામ તાલુકાની પાણીખડક પ્રાથમિક શાળાના ધોરણ-૧માં અભ્યાસ કરતાં પ્રહાન ઇન્દ્રવદન દેસાઈ આજકાલ ચર્ચાનો વિષય બન્યો છે. સામાન્ય રીતે આ ઉંમરે બાળકો માટે અક્ષરમાળાનું લેખન એક પડકારભર્યું કાર્ય હોય, પણ પ્રહાનના સુંદર અને સ્પષ્ટ અક્ષરે ખેરગામ તાલુકામાં સૌનું ધ્યાન ખેંચ્યું છે.
પ્રહાનની મહેનત અને શિક્ષકોનું માર્ગદર્શન
શાળાનાં શિક્ષક બલ્લુભાઈ પટેલ અને સી.આર.સી. ટીનાબેન પટેલના જણાવ્યા અનુસાર પ્રહાનને લેખન પ્રત્યે અપાર રુચિ છે. તેમના આ ઉત્સાહને સાથ આપતાં તેમણે અત્યારસુધીમાં 200 પાનાની 10થી વધુ નોટબુકમાં સતત લેખન પ્રેક્ટિસ કરી છે.
વર્ગશિક્ષક કૈલાશબેન પટેલ પણ પ્રહાનની અક્ષર સુધારણા માટે સતત પ્રયત્ન કરી રહ્યા છે. પ્રહાનના પ્રયાસ અને શિક્ષકોના માર્ગદર્શનના પરિણામે આજ રોજ તેઓ વિશેષ અભિનંદનને પાત્ર બન્યા છે.
અટકી ન જતી આગવી ધગશ
6 વર્ષની નાનકડી ઉંમરે આટલી મહેનત અને અક્ષર પ્રત્યેની લાગણી કાબિલે-તારીફ છે. આ ઉમદા પ્રયત્નો આગામી સમયમાં પ્રહાનને એક ઉત્તમ શિક્ષાર્થી બનાવી શકે છે. જો બાળકના ઈચ્છા-શક્તિ અને શિક્ષકોની પ્રેરણા સાથે માતા-પિતાનું પ્રોત્સાહન પણ જોડાય, તો આવું બાળક ભવિષ્યમાં ઉત્તમ લેખક કે વિદ્વાન પણ બની શકે.
ખેરગામના પ્રહાન દેસાઈનો આ અભ્યાસપ્રેમ તમામ વિદ્યાર્થીઓ માટે પ્રેરણાસ્ત્રોત બની રહે તેવી શુભેચ્છા!
