Narmda : ધારાસભ્ય ડો.દર્શનાબેન દેશમુખના હસ્તે જીતગઢમાં જળ સંરક્ષણ અભિયાનનો પ્રારંભ.
એસ્પિરેશનલ નર્મદા જિલ્લામાં શરૂ થયેલ જળ ઉત્સવ અભિયાનનો મુખ્ય હેતુ જળ સંસાધનોના સંરક્ષણ અને જળ સંચય પ્રત્યે લોકોમાં જાગૃતિ લાવવાનો છે. ધારાસભ્ય ડો.દર્શનાબેન દેશમુખે આ અભિયાનની શરૂઆત જીતગઢ ગામે કરી, જ્યાં જળ સંચયનું મહત્વ વ્યક્ત કર્યું. આ અભિયાન અંતર્ગત 20મી નવેમ્બર સુધી તળાવો, કૂવો અને નદીઓની સાફ-સફાઈ, જળ સંચયના શપથ, મેરેથોન દોડ અને વિવિધ કાર્યક્રમો યોજાશે.
તેમણે લોકોમાં જળ સંરક્ષણ માટેના આયોગ્ય પ્રયાસો જેવા કે રેઈન વોટર હાર્વેસ્ટિંગ સિસ્ટમ અને પેડ માં કે નામ જેવા કાર્યક્રમો દ્વારા જળ સંવેદનશીલતા વધારવા અપીલ કરી.
ધારાસભ્ય ડો.દર્શનાબેન દેશમુખે જણાવ્યું કે, પાણી જ જીવન છે અને જળ સંચય એ વિકાસની પ્રક્રિયામાં મુખ્ય કાર્ય છે. ગ્લોબલ વોર્મિંગ અને પર્યાવરણમાં આવનારા પરિવર્તનોએ વરસાદનું પ્રમાણ ઘટાડ્યું છે, જેના કારણે જળ સ્તર તળિયે પહોંચ્યું છે. આવા સમયે તળાવો, કૂવા, ખેત તલાવડી અને પાળાઓ દ્વારા વરસાદી પાણીનો સંચય જળ સંકટને ટાળવા માટે ખૂબ જ આવશ્યક છે.
આ જળ ઉત્સવ અભિયાનમાં ખાસ કરીને નાનીનાની પ્રવૃત્તિઓ – જેમ કે નદીઓ અને તળાવો સાફ કરવી, રેઈન વોટર હાર્વેસ્ટિંગ સિસ્ટમ લગાવવી, પીવાના પાણીમાં લિકેજ ઘટાડવા માટે જીરો લિકેજ અભિયાન ચલાવવું – દ્વારા લોકોમાં જળ સંચય પ્રત્યે જવાબદારીની ભાવના વિકસાવવાનો પ્રયાસ છે.
અભિયાનના અંતર્ગત નર્મદા જિલ્લામાં સરકારી શાળાઓ, સ્થાનિક સમુદાયો અને મહિલાઓના સખી મંડળો માટે પણ જળ સંચયના વિવિધ કાર્યક્રમો આયોજિત કરાશે, જેમાં વોટર મેનેજમેન્ટની જાણકારી, બાળકો અને યુવાનોમાં જળ સંરક્ષણના મહત્વ અંગે જાગૃતિ વધારવાની પ્રવૃત્તિઓ સામેલ છે.
વડાપ્રધાન નરેન્દ્રભાઈ મોદી અને મુખ્યમંત્રી ભૂપેન્દ્રભાઈ પટેલની આગેવાની હેઠળ કેન્દ્ર અને રાજ્ય સરકાર દ્વારા જળ સંચય અને જળ સંરક્ષણ માટે વિવિધ યોજનાઓ ચાલી રહી છે. આ આયોજનોના માધ્યમથી, આવનારી પેઢીને પાણીની સુવિધા અને સંવર્ધન માટે સમાજમાં એક સશક્ત સંદેશો પહોંચાડવાનો આ અભિયાનનો મુખ્ય હેતુ છે.
#GujaratInformation #JillaPanchayatNarmada
