ધરમપુરના આદિવાસી યુવા ક્રિકેટ ખેલાડી વિકાસ માહલાની U-23 કર્નલ સી.કે નાયડુ ટ્રોફી માટે પસંદગી.
વલસાડ જિલ્લાના ધરમપુરના વાલોડ ફળિયામાં રહેતો આદિવાસી યુવા ખેલાડી વિકાસ માહલા રાઈટ આર્મ ફાસ્ટ બોલર છે. જે આગામી અમદાવાદમાં શરૂ થનારી U-23 કર્નલ સી.કે.નાયડુ ટ્રોફી માટે ગુજરાત ક્રિકેટની પંદર સભ્યોની ટીમમાં પસંદગી પામ્યો છે. સાઉથ આફ્રિકાના બોલર રબાડાના હુલામણા નામથી જાણીતા આ આદિવાસી યુવકની અગાઉ અંડર-19 વિનુ માંકડ ટ્રોફી તથા કૂચ બિહાર ટ્રોફી માટે ગુજરાતની ટીમમાં પસંદગી થઈ હતી. સમસ્ત આદિવાસી સમાજ તરફથી શુભેચ્છાઓ પાઠવવામાં આવી છે.
