વિરાટ કોહલીએ પોતાના જન્મ દિવસે શતક ફટકારી ક્રિકેટ ચાહકોને ભેટ ધરી.
જન્મ દિવસ પર સદી ફટકારનાર વિરાટ કોહલી બન્યો સાતમો ખેલાડી.
ભારતીય ટીમના દિગ્ગજ બેટ્સમેન વિરાટ કોહલીએ અંતે 49મી સેન્ચુરી ફટકારી છે. ખાસ વાત એ રહી કે વિરાટ કોહલીએ આ રેકોર્ડ પોતાના 49માં જન્મદિવસે જ બનાવ્યો છે. વિરાટ કોહલીએ કોલકતાના ઈડન ગાર્ડન સ્ટેડિયમમાં સાઉથ આફ્રિકા સામેની મેચમાં પોતાની વનડે કારકિર્દીની 49મી સેન્ચુરી ફટકારી.
આ સદીની સાથે જ તેણે સચિન તેંડુલકરના સૌથી વધુ સેન્ચુરીના રેકોર્ડની બરોબરી કરી લીધી છે. વર્લ્ડકપ 2023માં વિરાટ કોહલીની આ બીજી સેન્ચુરી છે. આ પહેલા કોહલીએ પોતાની 48મી સેન્ચુરી બાંગ્લાદેશ સામે ફટકારી હતી.
વિરાટ કોહલી 49મી સેન્ચુરી ફટકારે તેની લોકો આતુરતાપૂર્વક રાહ જોતા હતા.
વર્ષ 2023માં વિરાટ કોહલીએ કુલ પાંચ સેન્ચુરી મારી છે. જ્યારે વિશ્વકપ 2023માં તેની આ બીજી સદી છે. વિરાટ કોહલીને આ પહેલા પણ વિશ્વકપ 2023માં રેકોર્ડ 49મી સેન્ચુરી બનાવવાની તક મળી હતી પરંતુ તે ન્યૂઝીલેન્ડ સામેની મેચમાં 95 રને આઉટ થઈ ગયો હતો. જે બાદ લાગી રહ્યું હતું કે શ્રીલંકા સામે પોતાની 49મી સેન્ચુરી મારશે પરંતુ તે વખત પણ તે 12 રનથી ચૂક્યો હતો. વિરાટ કોહલી શ્રીલંકા સામે 88 રને આઉટ થયો હતો.
Image source : BCCI સાઉથ આફ્રિકાની મેચમાં વિરાટ કોહલીએ સચિન તેંડુલકરની 49મી સદીની બરોબરી કરી.
સચિને બાંગ્લાદેશ સામે ફટકારી હતી પોતાના કારકિર્દીની છેલ્લી સેન્ચુરી ક્રિકેટના ભગવાન ગણાતા સચિન તેંડુલકરે વનડે ઈન્ટરનેશનલમાં પોતાની 49મી અને છેલ્લી સેન્ચુરી બાંગ્લાદેશ સામે મીરપુરમાં ફટકારી હતી. સચિન તેંડુલકરે આ ઇનિંગમાં 147 બોલ રમતા 114 રન કર્યા હતા. તો વિરાટ કોહલીએ દક્ષિણ આફ્રિકા સામેની મેચમાં 119 બોલનો સામનો કરતા પોતાની સેન્ચુરી પુરી કરી છે. વિરાટ કોહલીએ વનડે ક્રિકેટમાં શ્રીલંકા સામે સૌથી વધુ 10 સેન્ચુરી ફટકારી છે.
સૌથી વધુ સેન્ચુરી બનાવવામાં ટોપ-૩ પર ભારતીય બેટ્સમેન
વનડે ક્રિકેટના ઇતિહાસમાં સૌથી વધુ સેન્ચુરી બનાવનાર બેટ્સમેનની વાત કરીએ તો પહેલા ત્રણ સ્થાન પર ભારતીય બેટ્સમેનનો કબજો છે. સચિન તેંડુલકર અને વિરાટ કોહલીના નામે વનડે ઇન્ટરનેશનલ ક્રિકેટમાં 49-49 સેન્ચુરી છે. જ્યારે ત્રીજા નંબરે ભારતીય કેપ્ટન રોહિત શર્મા છે. રોહિત શર્માએ વનડે ક્રિકેટમાં 31 સેન્ચુરી લગાવી છે. આ લિસ્ટમાં ચોથા નંબરે ઓસ્ટ્રેલિયાનો પૂર્વ કેપ્ટન રિકી પોન્ટિંગ છે. રિકી પોન્ટિંગે વનડે ક્રિકેટમાં 30 સેન્ચુરી ફટકારી છે. જ્યારે પાંચમા નંબરે સનથ જયસૂર્યા છે જેણે વનડે ક્રિકેટમાં 28 સેન્ચુરી લગાવી છે.
- વનડેમાં સૌથી વધુ સેન્ચુરી ફટકારનાર બેટ્સમેન
- વિરાટ કોહલી - 49 સેન્ચુરી (277 ઈનિંગ)
- સચિન તેંડુલકર - 49 સેન્ચુરી (452 ઈનિંગ)
- રોહિત શર્મા - 31 સેન્ચુરી (251 ઈનિંગ) -
- રિકી પોન્ટિંગ - 30 સેન્ચુરી (365 ઈનિંગ)
- સનથ જયસૂર્યા - 28 સેન્ચુરી (433 ઈનિંગ)
