નવસારી જિલ્લાને સ્વચ્છ જિલ્લો બનાવવાના નિર્ધાર સાથે ચીખલી ખાતેથી સ્વચ્છતા ઝુંબેશનો શુભારંભ.
માનનીય વડાપ્રધાનશ્રી નરેન્દ્ર મોદીની પ્રેરણાથી સમગ્ર દેશમાં સ્વચ્છતા અભિયાન અંતર્ગત કાર્યક્રમો યોજાઈ રહ્યા હોય જે અન્વયે નવસારીના સાંસદ શ્રી સી.આર.પાટીલે ચીખલી ખાતેથી સ્વચ્છતા અભિયાનનો પ્રારંભ કર્યો હતો.
આ પ્રસંગે નવસારી સાંસદ સી.આર.પાટીલે જણાવ્યું હતું કે, સ્વચ્છતા અભિયાનમાં તમામ ગામોમાં સ્વચ્છતા ઝુંબેશ ચલાવી નવસારી જિલ્લાને સ્વચ્છ જિલ્લો બનાવવાનો છે. જિલ્લાના તમામ લોકોને સ્વચ્છતામાં સહયોગ આપવા અનુરોધ કર્યો હતો. કાર્યક્રમના પ્રારંભમાં સફાઇ અભિયાનમાં ઉપયોગમાં આવનાર વાહનો જેસીબી, ટ્રક, ટ્રેકટર તેમજ ટેમ્પાને લીલીઝંડી બતાવી સાંસદ સી.આર.પાટીલ તેમજ મહાનુભાવોના હસ્તે પ્રસ્થાન કરાવ્યું હતું.
